Ein million til Vest-Agder til Lokal samfunnsutvikling i kommunane / Vest-Agder fylkeskommune

18 fylkeskommunar tek no grep for å betre sitt arbeid med å støtte kommunane i å utvikle attraktive lokalsamfunn gjennom satsinga Lokal samfunnsutvikling i kommunane (LUK). Kommunal- og regionaldepartementet løyver ytterlegare 30 millionar kroner til fylkeskommunane for å støtte samarbeidet. Vest-Agder fylkeskommune mottek ein million kroner, framgår det i ei pressemelding fra Kommunal- og regionaldepartementet.

Ein rapport frå Telemarksforsking viser eit potensial for å betre samarbeidet mellom fylkeskommunar og kommunar om å utvikle attraktive lokalsamfunn. Undersøkinga viser at kommunane meiner at fylkeskommunen er ein viktig bidragsytar i dette arbeidet. 51 prosent meiner likevel at samarbeidet mellom kommunane og fylkeskommunen har eit stort betringspotensial. Særleg etterspør kommunane fylkeskommunane som initiativtakar og pådrivar.


	Kommunalminister Liv Signe Navarsete

-Fylkeskommunane viser no gjennom sine søknader at dei er godt i gang med å vidareutvikle samarbeidet med kommunane, seier kommunal- og regionalminister Liv Signe Navarsete.
-Mykje ligg godt til rette for at kommunane gjennom dette samarbeidet blir enda betre til å planlegge, mobilisere, samarbeide og gjennomføre utviklingstiltak. Slik vil ein utvikle meir attraktive lokalsamfunn, seier statsråden.

Fordelinga av midlar mellom fylka 2011:

Fylkeskommune	Tildelte midler 2011
Finnmark	2 250 000
Troms	1 713 000
Nordland	1 865 000
Nord-Trøndelag	800 000
Sør-Trøndelag	1 600 000
Møre og Romsdal	4 500 000
Sogn og Fjordane	1 300 000
Hordaland	1 500 000
Rogaland	1 000 000
Vest-Agder	1 000 000
Aust-Agder	1 525 000
Telemark	1 038 000
Vestfold	1 800 000
Buskerud	1 190 000
Oppland	1 100 000
Hedmark	2 000 000
Akershus	1 000 000
Østfold	2 328 000
Totalt	29 509 000

· Informasjon om LUK-satsinga i dei 18 fylka

· Meir om LUK.

av Torkelsen, Jan H., publisert 12. mai 2011 | Skriv ut siden